12 மணி நேர பிளேபேக் வழங்கும் வயர்லெஸ் ஹெட்போன் இந்தியாவில் அறிமுகம்

ஆடியோ உபகரணங்களுக்கு பெயர்பெற்ற நாய்ஸ் நிறுவனம் இந்தியாவில் டியூன் ஃபிளெக்ஸ் ப்ளூடூத் நெக்பேண்ட் ஹெட்போன்களை அறிமுகம் செய்துள்ளது.

புதிய நாய்ஸ் டியூன் ஃபிளெக்ஸ் ஹெட்போன் ஒருமணி நேரம் சார்ஜ் செய்தால் 12 மணி நேரங்களுக்கு பிளேபேக் மற்றும் 180 மணி நேர ஸ்டான்ட்-பை வழங்கும் என அந்நிறுவனம் தெரிவித்துள்ளது. சிலிகான் ஜெல் மூலம் உருவாக்கப்பட்டுள்ளதால், இதனை பயன்படுத்துவதால், சரும பிரச்சனைகள் எதுவும் ஏற்படாது. மேலும் இதன் நேர்த்தியா வடிவமைப்பு வாடிக்கையாளர்களின் கழுத்தில் கச்சிதமாக பொருந்தும் வகையில் இருக்கிறது.

நாய்ஸ் டியூன் ஃபிளெக்ஸ் சிறப்பம்சங்கள்:

– சிறப்பான ஆடியோ வழங்க 10mm N50 நியோடிமியம் காந்த சக்தி டிரைவர்கள்

– குவால்கம் QCC3003 சிப்செட்

– ப்ளூடூத் 5.0

– 20Hz-20KHz ஃபிரீக்வன்சி ரெஸ்பான்ஸ்

– டூயல் பேரிங் வசதி – ஒரே நேரத்தில் ஹெட்போனை லேப்டாப் மற்றும் மொபைலுடன் இணைக்க முடியும்

– குவால்காம் CVC 8.0 காற்றின் சத்தத்தை குறைக்கும்

– 2718 ரக சிலிகான் கொண்ட மைக்ரோபோன்

– வியர்வை மற்றும் வாட்டர் ரெசிஸ்டண்ட் (IPX5)

– சிரி, கூகுள் அசிஸ்டண்ட் போன்ற வாய்ஸ் அசிஸ்டண்ட் வசதி

– 140 எம்.ஏ.ஹெச். பேட்டரி

நாய்ஸ் டியூன் ஃபிளெக்ஸ் ஸ்பேஸ் கிரே, டியல் கிரீன் மற்றும் பிரான்ஸ் கிரே நிறங்களில் கிடைக்கிறது. இந்தியாவில் இதன் விற்பனை நவம்பர் 26 ஆம் தேதி ஃப்ளிப்கார்ட், அமேசான் மற்றும் கோநாய்ஸ் போன்ற வலைத்தளங்களில் துவங்குகிறது. இதன் விலை ரூ. 2,199 என நிர்ணயம் செய்யப்பட்டுள்ளது. நாய்ஸ் டியூன் ஃபிளெக்ஸ் பிரான்ஸ் கிரே வேரியண்ட் டிசம்பர் 1 ஆம் தேதி முதல் விற்பனை செய்யப்படுகிறது.