வாட்ஸ்அப் செயலியில் கைரேகை பாதுகாப்பு அம்சத்தை இயக்குவது எப்படி?

வாட்ஸ்அப் செயலியை டச் ஐ.டி. மற்றும் ஃபேஸ் ஐ.டி. மூலம் பாதுகாக்கும் வசதியை ஐபோன்களில் இந்த ஆண்டு துவக்கத்தில் வழங்கியது. ஐபோனை தொடர்ந்து ஆண்ட்ராய்டு இயங்குதளத்திலும் இதேபோன்ற அம்சத்தை வாட்ஸ்அப் முதலில் பீட்டா பதிப்பில் வழங்கியது.

ஆகஸ்ட் மாத வாக்கில் பீட்டா பதிப்பில் வழங்கப்பட்ட பாதுகாப்பு அம்சம், உலகம் முழுக்க அனைத்து பயனர்களுக்கும் வழங்கி வருகிறது. அதன்படி ஆண்ட்ராய்டு ஸ்மார்ட்போன் பயன்படுத்துவோர் கைரேகை மூலம் செயலியை அன்லாக் செய்து கொள்ள முடியும். இதன் மூலம் மற்றவர்கள் வாட்ஸ்அப் செயலியை ஊடுறுவ முடியாது.

வாட்ஸ்அப் ஆண்ட்ராய்டு செயலியில் கைரேகை லாக் அம்சத்தை செயல்படுத்துவது எப்படி?

– முதலில் வாட்ஸ்அப் செட்டிங்ஸ் (Settings) — அக்கவுண்ட் (Account) — பிரைவசி (Privacy) ஆப்ஷன்களை க்ளிக் செய்ய வேண்டும்

– இனி பிரைவசி ஆப்ஷனில் கைரேகை லாக் (Fingerprint lock) எனும் ஆப்ஷன் தெரியும்

– அடுத்து அம்சத்தை இயக்க கைரேகை மூலம் அன்லாக் செய்யக் கோரும் Unlock with fingerprint ஆப்ஷனை க்ளிக் செய்ய வேண்டும்

– ஸ்மார்ட்போனில் உள்ள கைரேகை சென்சார் தொட்டு அம்சத்தை உறுதிப்படுத்த வேண்டும்

செயலியை பாதுகாக்க வாட்ஸ்அப் மூன்று ஆப்ஷன்களை வழங்குகிறது. இவை தானாக லாக் செய்யக் கோரும் Automatically lock ஆப்ஷனில் காணப்படுகிறது. இவை செயலியை உடனே (Immediately), ஒரு நிமிடத்திற்கு பின் (After 1 minute) மற்றும் முப்பது நிமிடங்களுக்கு பின் (After 30 minutes) ஆகும்.

கைரேகை லாக் ஆன் செய்யப்பட்டதும், தரவுகள் தானாகவே மறைக்கப்பட்டு விடும். இந்த அம்சம் செயல்படுத்தப்பட்டு இருந்தாலும் வாட்ஸ்அப் அழைப்புகள் மற்றும் நோட்டிஃபிகேஷன்களில் இருந்து குறுந்தகவல்களுக்கு எப்போதும் போல் பதில் அளிக்க முடியும். புதிய பாதுகாப்பு அம்சம் பயனர்கள் செயலியை திறந்து அதனை பயன்படுத்த முயலும் போது தான் இயங்கும்.

எனினும், கைரேகை-லாக் ஆன் செய்யப்பட்ட நிலையில் நோட்டிஃபிகேஷன்களில் தரவுகள் தெரிய வேண்டாம் என நினைப்பவர்கள் அதனை Show content in notifications ஆப்ஷனில் மாற்றிக் கொள்ளலாம்.