பிக்ஸ்பி வசதியுடன் கேலக்ஸி ஹோம் ஸ்மார்ட் ஸ்பீக்கர் அறிமுகம்

சாம்சங் கேலக்ஸி நோட் 9 மற்றும் கேலக்ஸி வாட்ச் சாதனங்களுடன் கேலக்ஸி ஹோம் ஸ்மார்ட் ஸ்பீக்கரை சாம்சங் அறிமுகம் செய்துள்ளது.

புதிய ஹோம் ஸ்பீக்கரில் பிக்ஸ்பி ஸ்மார்ட் அசிஸ்டண்ட் வசதியு, எட்டு ஃபியர்-ஃபீல்டு மைக்ரோபோன்கள் பொருத்தப்பட்டிருக்கிறது. இதனால் குரல் அங்கீகார வசதி அறையில் எங்கிருந்து பேசினாலும் சீராக வேலை செய்யும். புதிய ஸ்பீக்கரை சாம்சங் நிறுவனம் 160 கேலக்ஸி ஹோம் ஸ்பீக்கர்களில் இருந்து அறிமுக ஆடியோவினை இயக்கி அறிமுகம் செய்தது அனைவரையும் கவர்ந்தது.

இதனால் புதிய ஸ்பீக்கர்கள் இயற்கை தரத்தில் ஆடியோவை அதன் சக்திவாய்ந்த ஸ்பீக்கர் மற்றும் சப்வூஃபர்கள் சிறப்பாக பிரதிபலிக்கிறது. AKG-டியூன் செய்யப்பட்ட டைரெக்ஷனல் ஸ்பீக்கர்கள் இருப்பதோடு சாம்சங் ஸ்மார்ட் ஹோம் தளத்தை சப்போர்ட் செய்கிறது. இதனால் ஸ்மார்ட்திங்ஸ் சாதனங்களையும் வாய்ஸ் கமான்ட் மூலம் இயக்க முடியும்.

இத்துடன் ஸ்பாடிஃபையுடன் சாம்சங் இணைந்திருக்கிறது. இதனால் சாம்சங் மற்றும் ஸ்பாடிஃபை அக்கவுன்ட் மூலம் லின்க் செய்து இசையை அனைத்து சாம்சங் சாதனங்களிலும் கேட்டு ரசிக்க முடியும்.

சாம்சங் புதிய ஸ்மார்ட் ஸ்பீக்கர் சார்ந்த மற்ற விவரங்கள், விலை மற்றும் விற்பனை தேதி உள்ளிட்டவை இன்னும் சில மாதங்களில் நடைபெற இருக்கும் சாம்சங் டெவலப்பர்கள் நிகழ்வில் அறிவிக்கப்படலாம்.